Што е?
Мала пластична направа во форма на буквата Т. Може да биде обложена со бакар или сребро или да содржи хормон. Позната е уште и како интраутерина влошка.
Како делува?
Механички ја спречува јајце-клетката да стигне до шуплината на матката. Плус, бакарот ги оштетува сперматозоидите и јајце-клетката, па не може да дојде до оплодување на јајце-клетката.
Како се користи?
Се поставува во внатрешноста на матката исклучиво од страна на стручно лице (специјалист-гинеколог).
Ефикасност
Над 99 % кога е правилно поставена
Колку чини?
Бакарна спирала: 3100-3600 ден.
Сребрена спирала: околу 5000 ден.
Хормонска спирала (Мирена): 6700-7500 ден.
*Не е покриено со здравствено осигурување
Каде може да се набави?
Во аптека, само со рецепт од специјалист-гинеколог или семејниот лекар;
Бесплатно е достапна за општествено исклучени групи на граѓани во младинските центри „Сакам да знам“ во Скопје, по претходен преглед кај тамошниот гинеколог.
Плус инфо
Штити од непланирана бременост веднаш, а може да се користи и при доење.